Dështimi i radhës për ta konstituuar Kuvendin

Për të 16-tën herë me radhë, ka dështuar konstituimi i Kuvendit të Kosovës.

Kanë qenë gjithsej 1111 deputetë në sallë, ku 55 për, 1 kundër dhe asnjë abstenim, vota këto që nuk mjaftuan për ta formuar komisionin për votim të fshehtë, pasi PDK-ja, LDK-ja, Lista Serbe dhe AAK-Nisma tash e sa kohë po refuzojnë të propozojnë anëtarë për këtë komision.

Pas kësaj, kryesuesi i seancës konstituive, Avni Dehari, theksoi se seanca e radhës do të mbahet më 17 maj, me fillim prej orës 10:30 raporton Zeri.info.

Theksojmë se gjatë së hënës Aleanca për Ardhmërinë e Kosovës (AAK), pasi ka mbledhur nënshkrimet edhe të Partisë Demokratike të Kosovës dhe Lidhjes Demokratike të Kosovës, ka dorëzuar në Gjykatën Kushtetuese lëndën për seancën konstituive, respektivisht për votimin e fshehtë.

Po ashtu, gjatë ditës së sotme, nga ora 13:00, presidentja Vjosa Osmani, do të nis takimet konsultative me liderët e partive politike, takime këto që kanë për synim daljen nga ngërçi politik që është krijuar në vend si pasojë e moskonstituimit të Kuvendit të Kosovës. /Zëri