Deputetët “gllabëruan” 19 milionë euro

Më shumë se 19 milionë euro i ka shpenzuar legjislatura e katërt e Kosovës, kryesisht për paga dhe mëditje, udhëtime dhe dreka zyrtare dhe karburante për vetura.

Përveç kritikave si legjislatura më e brishtë, shpenzimet e Kuvendit të Kosovës gjatë mandatit më të shkurtër se katërvjeçar vlerësohen astronomike.

Sipas mbikëqyrësve të Kuvendit, ky institucion ka menaxhim më të mirë financiar sesa institucionet tjera, megjithatë ata thonë se shumë shpenzime të legjislativit janë të tepërta, e madje disave prej tyre nuk u shihen as rezultatet.

Ata kritikojnë deputetët të cilët nënshkruhen në listat e seancave vetëm sa për t’iu shënuar dita, e nuk qëndrojnë në seanca. Po ashtu theksojnë keqpërdorimet që bëhen për udhëtime zyrtare jashtë vendit, me ç’rast mëditja e një udhëtimi në Shqipëri është e barasvlershme me një udhëtim në qytetet e Evropës Perëndimore./zeri/