Dëmtohet Ilir Berisha
RajoniPress
12:21, 20 Janar, 2016
Ilir Berisha assesi të bëhet rehat prej dëmtimeve, ndërsa një të tillë e ka pësuar edhe në Vlorë.Qendërmbrojtësi nga Prishtina ka krisur njërin nga gishtat e këmbës e duhet të qëndrojë rreth 10 ditë pushim, çka bën që ai të humbasë sfidën çerekfinale të kupës me Tiranën.
Berisha erdhi nga Suedia në Shqipëri, ndërsa është lojtar statues edhe te përfaqësuesja e Kosovës.
Ndërkohë, pritet që me ekipin vlonjat të bashkohet edhe Debatik Curri.
Një tjetër e re në kampin vlonjat është largimi i mesfushorit Mërgim Neziri, që prej ditësh po testohej te Flamurtari raporton “Sport Ekspres”.
Neziri nuk ka mundur të bëjë diferencën, ndaj me mirëkuptim palët janë ndarë duke mos arritur të ulen në bisedime për të firmosur një kontratë mes tyre.
