Demi-Murtezi: Transparenca, parim i PD-së

Gjilan – Në kuadër të vizitave të vendbanimeve të ndryshme në rrethinën e qytetit të Gjilanit, kandidatja për kryetare të kuvendit komunal të Gjilanit, Labinotë Demi-Murtezi, vizitoi fshatin Dobërçan, me ç’rast u takua me një numër të banorëve të këtij fshati.

Në takimin që zhvilloi me ta, kandidatja për kryetare, u njoftua për së afërmi me problemet e tyre duke iu premtuar zgjidhje dhe bashkëpunim të çdohershëm, duke iu thënë se dyert e komunës do të jenë të hapura gjithmonë për ndërveprim, ashtu që bashkërisht të ecin drejt përparimit dhe avansimit të përbashkët.

Në këtë takim kandidatja për kryetare të Gjilanit, Demi-Murtezi, ka premtuar se nëse vjen në pushtet, platforma politike e Partisë së Drejtësisë, do të realizohet në përpikëri dhe se do të tejkalohet gjendja aktuale, që sipas saj është e disfavorshme për qytetarët e këtij fshati, pro edhe të mbarë komunës së Gjilanit.

Banorët, e përkrahen kandidaten Demi-Murtezi, duke thënë se deri më tani, qeverisja në këtë komunë, nuk ka treguar interesim për mirëqenien e tyre ekomomike, por edhe sociale e kulturor thuhet në njoftimin e PD-së dega në Gjilan./rajonipress/