Dëbohen 50 shqiptarë nga Anglia dhe Franca

Janë riatdhesuar 50 shtetas shqiptarë që janë deportuar nga Anglia dhe Franca. Bëhet fjalë për qytetarët e Shqipërisë që kishin shkelur lejen 3-mujore të qëndrimit në zonën Schengen të Bashkimit Evropian.

Vetëm 3 ditë më parë ishin riatdhesuar në Shqipëri 48 shtetas shqiptarë, të cilët zbritën në Rinas nga shtete të ndryshme të BE-së, sërish për shkak të shkeljes së rregullores së lëvizjes së lirë në zonën Schengen, raporton “Shekulli”.

Me këtë rast zv.ministrja e Brendshme e Shqipërisë, Elona Gjebrea, ka deklaruar se me kthimin e tyre duhet t’u japim një mesazh të gjithë qytetarëve shqiptarë që të respektojnë qarkullimin në hapësirat e lëvizjes së lirë „Schengen”./albinfo.ch/