Clark në Dayton alarmon për Kosovën: Po pret për t’u shfaqur si një bombë e kurdisur në kohë të gabuar

Wesley Clark, ish -Komandanti i Forcave Aleate për Evropë gjatë juë paneli në Dayton të Ohios ku po zhvillon punimet sesioni pranveror i Asamblesë Parlamentare të NATO’s që po shënon edhe 30 vjetorin e Marrëveshjes së Daytonit, ka alaramuar për Kosovën.

Clark ka marrë pjesë në një panel me Chris Hill, Carl Bildt që të gjithë të përfshirë në procesin e Daytonit, aty ka thënë se Kosova mund të shndërrohet në pikë eksplozive.

“Në Ballkanin Perëndimor është një fusnotë e Bosnjës dhe Marrëveshjes së Daytonit, që quhet Kosovë. Chris ka qenë ambasador në Maqedoni, Presidenti Gligorov e kishte parë masakrën ndaj Familjes Jashari në shkurtin e vonshëm të ’98-ës dhe e ka ditur se konflikti po vinte…sot Kosova është vend i pavarur. Gjatë Daytonit nuk mundëm ta shtyjmë Millosheviqin ta adresojë Kosovën. Më vonë e adresoi, por e adresoi me forcat ushtarake dhe policinë speciale. Kjo thyerje mes Serbisë dhe Kosovës është sensitive sot. Kosova s’ka qeveri ende pas zgjedhjeve të fundit, por ka shqetësime serioze oër të ardhmen. Pra nuk është vëtëm Bosnja dhe ajo çfarë ka mbetur nga vitet e nëntëdhjeta dhe Marrëveshja e Daytonit për të cilat duhet të bregosemi. Në anën tjetër të Serbisë është Kosova dhe ajo po pret si një bombë e kurdisur për tu shfaqur në kohë të gabuar” ka thënë Clark.