Çitaku: Egot politike dhe ambicia e shfrenuar për kontroll total të institucioneve nga LVV-ja po e lënë Kosovën sërish pa institucione

Nënkryetarja e Partia Demokratike e Kosovës, Vlora Çitaku, ka reaguar ndaj zhvillimeve të fundit politike në vend, duke akuzuar Lëvizja Vetëvendosje për bllokimin e institucioneve dhe shtyrjen e vendit drejt një cikli të ri zgjedhor.

Përmes një reagimi publik, Çitaku tha se ambicia për kontroll të plotë institucional po e çon Kosovën drejt një krize të re politike.

Osmani shpalli dekretin për shpërndarje të Kuvendit, reagojnë nga Lëvizja Vetëvendosje

“Egot politike dhe ambicia e shfrenuar për kontroll total të institucioneve nga LVV po e lënë Kosovën sërish pa institucione dhe po e shtyjnë vendin drejt një cikli tjetër zgjedhjesh”, ka deklaruar ajo.

Sipas saj, përgjegjësia për situatën aktuale politike është e qartë dhe lidhet me mungesën e vullnetit për marrëveshje politike.

“Adresa e përgjegjësisë është e qartë kristal: refuzimi i LVV-së për marrëveshje dhe për dialog të sinqertë politik”, ka theksuar Çitaku.

Abdixhiku mirëpret dekretin për shpërndarjen e Kuvendit

Ajo ka shtuar gjithashtu se zhvillimet politike duhet të reflektohen edhe në raport me sakrificën e bërë për lirinë e vendit.

“Sot, kur të shkojnë e të bëjnë homazhe aty ku pushojnë heronjtë tanë, duhet të ndihen të turpëruar. Është luftuar shumë dhe gjatë që qytetarët tanë të kenë të drejtën të zgjedhin përfaqësuesit e tyre dhe të jetojnë të lirë”, ka thënë Çitaku.

Në reagimin e saj, nënkryetarja e PDK-së theksoi se liria dhe Republika e Kosovës nuk duhet të shpërdorohen.

Kur do të ftohen liderët partiakë nga Presidentja për datën e zgjedhjeve të reja? Flet Osmani

“Kjo liri dhe kjo Republikë nuk guxojnë të shpërdorohen”, është shprehur ajo. /Telegrafi/