Celina refuzon të gjithë për Kosovën

Bersant Celina ka refuzuar Norvegjinë për të luajtur për Kosovën. Ylli i Manchester Cityt, Bersant Celina do të luajë të premten kundër Shqipërisë, duke veshur fanellën e Kosovës.

Në një prononcim për Tribuna Channel pas stërvitjes së parë sot në Prishtinë, Celina tha se për Kosovën ka refuzuar Norvegjinë, pasi ky është vendi i lindjes.

“E kam refuzuar Norvegjinë për të luajtur për Kosovën. Definitivisht do të luaj për Kosovën sepse ky është vendi ku kam lindur”, tha fillimisht Celina.

“Shpresoj se do të jetë një ndeshje e madhe me shumë gola dhe të ketë shumë shikues. Ne do të japim gjithçka për fitore.

19-vjeçari zbuloi edhe taton në dorën e tij, e cila është një shqiponjë dykrenare. /Express