Cana tregon armikun kryesor të Shqipërisë në Kampionatin Evropian

Për mediet ka folur edhe Lorik Cana, i cili duket se nuk është shumë i fokusuar te Gjeorgjia, por mendjen e ka qysh tani te Evropiani i Francës.Ai është shprehur se kjo do të jetë ngjarja e parë dhe e fundit madhor që do të zhvillojë me Shqipërinë, pasi siç është shprehur “pas Evropianit do të ulem e të vendos për të ardhmen”.

Kapiteni i kombëtares kuqezi është në moshën 32-vjeçare dhe me të gjitha gjasat mund të tërhiqet pas France 2016, por kjo mbetet për t’u parë, duke qenë se mundësitë janë që edhe të mund t’i zhvillojë kualifikueset për në Rusi 2018.

“Armiku ynë i vetëm në Francë do të jetë eksperienca e paktë e lojtarëve të përfaqësueses në gara të tilla, siç do të jetë Evropiani”.

“Por, do të përpiqemi të japim maksimumin, pse jo edhe të befasojmë, nëse do të na jepet mundësia”, ka thënë Cana. /Telegrafi/