Cana, legjendë edhe në Francë

Nantes e ka surprizuar Lorik Canën. Ikona e futbollit shqiptar e ka bërë paraqitjen e 200-të në Ligue 1 të Francës. Para disa vitesh ai pati luajtur për Olimpique Marseillen dhe PSG-në, kurse shifrën e 200 ndeshjeve të zhvilluara në elitën e futbollit francez e ka regjistruar me ekipin e tij të ri, Nantes, ku u transferua gjatë verës nga Lazio, raporton Zëri.

Në fakt, ndeshjen e 200-të Cana e ka zhvilluar në javën e kaluar me Nantes si mysafir i Monacos. Por, me qenë se ekipi i tij ishte mysafir, drejtuesit e klubit u përkujdesën të shtunën që në ndeshjen vendas ndaj Bastias ta urojnë Canën, duke ia bërë dhuratë një fanellë të Nantes me numrin 200 dhe mbi të shkruante Cana./Zëri/