Brenda një jave policia ka shqiptuar 585 fletë paraqitje ndaj atyre që nuk respektuan masat

Gjilan – Policia e Kosovës, gjatë zbatimit të masave të ndërmarra nga Qeveria e Kosovës dhe institucionet e Shëndetësisë si pasojë e pandemisë Covid 19, për periudhën kohore një javore 02 dhjetor 2020 deri me 08 dhjetor 2020, në të gjitha shtatë komunat e rajonit të Gjilanit, kanë shqiptuar gjithsej pesëqind e tetëdhjetë e pesë (585) fletë paraqitje për mos respektim të këtyre masave ka thënë Ismet Hashani.

Hashani ka shtuar se në raste të veçanta Policia e Kosovës po ashtu ka asistuar inspektorët sanitar Komunal, në kontrolle të lokaleve hoteliere të cilat janë takuar duke mos i përmbush masat e kërkuara nga ana e Qeverisë së Kosovës Anti COVID- 19.

“Policia e Kosovës i thërret dhe apelon te qytetarët që t`i respektojnë me përpikëri masat e ndërmarra nga ana e Qeverisë, ne dhe të gjitha institucionet e shtetit e kemi vetëm një qëllim mbrojtjen e shëndetit të qytetarëve tanë, në të kundërtën moszbatimi i këtyre masave do të ketë konsekuenca ligjore” ka thënë Ismet Hashani./rajonipress/