Blomeyer: Me Gjykatën Speciale, Kosova fitoi reputacion të shkëlqyer

Ambasadori i Gjermanisë në Kosovë, Peter Blomeyer, thotë se miratimi nga ana e Kuvendit të Kosovës për themelimin e Gjykatës Speciale ka bërë që Kosova të fitojw një reputacion të shkëlqyer në botë.

Me vendimin për themelimin e Gjykatës Speciale, Blomeyer tha se, Kosova dëshmoi se nuk ka asgjë për të fshehur.

“Ajo çfarë kam parë unë është që Kosova ka fituar një reputacion të shkëlqyer duke e lejuar themelimin e kësaj Gjykate, duke dhënë pëlqimin për shkëmbimin e letrave me miratimin e parlamentit për këtë shkëmbim letrash. Kjo sepse kështu bëhet e qartë, demonstrohet se Kosova nuk ka asgjë për të fshehur dhe se Kosova nuk i frikësohet ballafaqimit me të kaluarën e saj dhe duke kuptuar se këtu kemi të bëjmë me çështje individuale dhe se këto hetime janë të drejtuara kundër individëve”, tha Blomeyer në emisionin “Argument Plus” në RTV21. /Telegrafi/