Bitri, çmime për rolin e luajtur në “Dimmi che Destino avro”

Aktorja shqiptare Luli Bitri vlerësohet me çmimin Napoli Cultural Classic për Kinematografinë me motivacionin “sepse në karrierën e saj si aktore zgjedh linjën e angazhimit social e jep prova të larta interpretimi, duke shprehur me natyrshmëri dhe thjeshtësi artin e madh. Sepse ka ndërtuar me forcë imazhin e saj si grua në kulturën shqiptare dhe është futur me guxim në kinematografinë italiane”.

Para këtij çmimi, aktorja e njohur shqiptare është vlerësuar dhe me dy çmime të tjera për rolin e luajtur për rolin e Alinës në “Dimmi che destino avrò” me regji të Peter Marcias.

Në Busto Arsizio Film Festival Luli Bitri është vlerësuar si Aktorja më e mirë. Ndërsa në Cagliari, shoqata “Donne al Traguardo” i ka dhënë dhenë çmimin special “Sorellanza 2013” për kontributin e saj në favor të grave të etnisë rome. Kryetarja e shoqatës Silvana Migoni teksa i dorëzoi çmimin u shpreh se: “Luli ka jetuar për disa javë mes komunitetit rom, për të kuptuar gëzimet e hallet dhe me interpretimin e jashtëzakonshëm të rolit të Alinës në “Dimmi che destino avrò” ka ditur t’ia përcjellë ato të tjerëve”.

Filmi “Dimmi che destino avrò” me regji të Peter Marcias-it trajton përplasjen mes kulturave, mes atyre që ndihen vendas e të tjerëve që shihen si të huaj. Luli Bitri ka rolin e protagonistes, Alinës, një vajzë rome e shkolluar në kampin e Sardenjës ku jeton familja e saj. Ajo është transferuar për punë në Paris ku për mbrojtjen e të drejtave të emigrantëve. Një ngjarje kronike e kthen në kamp dhe e vë përballë një komisari policie: dy botë që ndeshen, që fillimisht i ruhen njëra-tjetrës e janë të mbyllura secila në vetvete, e më pas njihen e afrohen. /sh/