BIPBM përgëzon Komunitetin Mysliman të Shqipërisë

Kreu i Bashkësisë Islame për Preshevë, Bujanoc dhe Medvegjë (BIPBM), Myftiu Nexhmedin ef. Saqipi, ka përshëndetur zgjedhjet e reja në Komunitetin Mysliman të Shqipërisë , e posaçërisht emërimin e Skender Bruçajt, për njeriu të parë të këtij institucioni të lartë fetar.

Myftiu Nexhmedin ef. Saqipi, gjithashtu, përgëzoi homologun e tij Skender Bruçajn, duke i dëshiruar suksese në udhëheqjen e institucionit, në misionin e detyrat e shenjta për përparimin dhe afirmimin e organizimit fetar në Shqipëri dhe rajon.

“Kryetari i sapozgjedhur i Komunitetit Mysliman të Shqipërisë Skender Bruçaj, do ta arsyetoj besimin e dhënë dhe mbështetjen e bashkëpunëtorëve të tij, për ta çuar në vend amanetin e Allahut xh.sh., për lartësimin e fesë dhe t’i zbatoj me besnikëri e përkushtim urdhrat e Islamit, do të punoj me ndërgjegje të plotë islame për lartësimin e fesë së Allahut, duke i afirmuar vlerat e kulturës fetare e kombëtare të myslimanëve jo vetëm në Shqipëri, por edhe në Kosovë, Maqedoni, Mal të Zi, Luginë të Preshevës dhe më gjerë në rajon”, thuhet në përgëzimin e Myftiut të BIPBM, Nexhmedin ef. Saqipi.

Myftiu Nexhmedin ef. Saqipi, shpreh besimin e plotë se homologu i tij Skender Bruçaj, në emër të Allahut xh.sh. dhe Komunitetit Mysliman në Shqipëri, do të vazhdojë të luajë rolin e tij të rëndësishëm dhe të përfaqësojë me dinjitet myslimanët shqiptarë brenda dhe jashtë vendit.

“E kemi të rregulluar me statut dhe program në Institucionet tona fetare bashkëpunimin me Institucionet e tjera rajonale, ndaj do të ishte shumë fisnike që këtë bashkëpunim ta shtojmë edhe më shumë me shtetin amë, pa përjashtuar ato të Kosovës në të Sanxhakut e të Serbisë”, thekson në fund të përgëzimit Myftiu Nexhmedin ef. Saqipi, kryetar i BIPBM, njofton Qendra Informative pran BIPBM-së, me sili në Bujanoc./rajonipress/