Beqiri, Topallit: Mos fol palidhje

Akuzat dhe fyerjet kanë vazhduar edhe sot në seancën e Kuvendit të Kosovës, në mes Faton Topallit të Vetëvendosjes dhe Ismet Beqirit të LDK-së.Topalli ka shtruar pyetje për kryeministrin se cili është opsioni i qeverisë për themelimin e Speciales pas refuzimit nga ana e Kuvendit, por ngjalli reagimin e Ismet Beqirit. Ky i fundit i tha Topallit se është shumë i vogël të flet për udhëheqjen e LDK-së dhe duhet të ketë përgjegjësi për fjalët që i thotë sepse fyen dhe gënjen.

“Kur keni informata drejtohuni institucionit por mos fol pa dëshmi sepse jeni shndërruar në një demalog të kuvendit”, ka thënë ai.

Faton Topalli tha se “është i vogël, por është më i madh se Ismet Beqiri”./telegrafi/