BBC: Kosova dhe Serbia me marrëveshje të spikatura

Lajmi se Kosova dhe Serbia kanë arritur një marrëveshje për themelimin e Asociacionit të Komunave Serbe, është publikuar edhe në portalin e BBC-së, televizionit të njohur ndërkombëtar.

“Kosova dhe Serbia kanë nënshkruar një seri marrëveshjesh në fusha të ndryshme dhe kanë bërë hapa të rëndësishëm karshi normalizimit të marrëdhënieve”.

“Serbët në veri të Kosovës do të gëzojnë të drejta më të mëdha sipas njërës marrëveshje, ndërsa Kosova do ta ketë kodin e vet telefonik ndërkombëtar”.

“Shefja e Politikës së Jashtme të Bashkimit Europian, Federica Mogherini, e cila e ka ndërmjetësuar dialogun e fundit, ka thënë se Kosova dhe Serbia kanë arritur marrëveshje të spikatura”, shkruan BBC, transmeton Klan Kosova.