Bashkëpunimi Kosovë Shqipëri ka arritur kulmin

Kryeministri i Kosovës, Hashim Thaçi pas takimit me Kryeministrin e Shqipërisë, Sali Berisha në Tiranë ka theksuar se në kohën kur Kosova është njohur pothuajse nga 100 shtete të botës bashkëpunimi mes Shqipërisë dhe Kosovës ka arritur kulmin.

Ai tha se ka njoftuar Berishën për dialogun politik që Kosova po zhvillon me Serbinë duke vë theksin në atë që në Bruksel të dyja vendet po diskutojnë si shtete të barabarta.

Në anën tjetër, Kryeministri Berisha ka thënë se autoritetet në Kosovë kanë faktuar se pavarësia është faktor stabiliteti.

I pari i qeverisë së Shqipërisë ka shprehur mbështetjen për dialogun politik duke thënë se bisedimet me Serbinë janë shumë të rëndësishme për rajonin.

Të dy homologët kanë biseduar edhe për bashkëpunimin në mes të dyja vendeve dhe synimet për integrimin në Bashkimin Evropian. /Kosovapress/