Basha: Serbia më vrau axhën, dua hakmarrje në fushë

Futbollisti kosovar i Kombëtares së Shqipërisë, Migjen Basha, gjatë një interviste për ‘Sport Plus’, njofton se axha i është vrarë nga ushtria serbe, gjatë luftës së fundit në Kosovë.

27-vjeçari, i cili aktivizohet me Torinon në Itali, thotë se do të kërkojë nga përzgjedhësi i Shqipërisë, Gianni De Biasi, që patjetër të aktivizohet në ndeshjet Shqipëri – Serbi dhe anasjelltas, për ta dhënë maksimumin për të gjithë të vrarët në Kosovë.

“Do të kërkoj nga përzgjedhësi Gianni de Biasi që të më ftoj patjetër në ndeshjet me Serbinë. Axhën tim e ka vrarë ushtria serbe gjatë luftës në Kosovë. Në njëfarë mënyre dua hakmarrje për të vrarët në Kosovë. Nuk e di se a do ta përfundoj këtë ndeshje, pasi që do të jap gjithçka nga vetja vetëm për të fituar”, ka thënë Migjen Basha gjatë një interviste për ‘Sport Plus’. /Telegrafi/