UBT

Banorët vullnetarisht pastrojnë lagjen në rrugën “Xhavit Kozhani”

/ 1 minutë lexim

Në Prishtinë ka nisur të gjejë zbatim dhe përkrahje aksioni për një qytet më të pastër. Në rrugën “Xhavit Kozhani” banorët me vetiniciativë kanë pastruar lagjen e tyre duke larguar mbeturina e gjësende tjera.

Aksioni është përkrahur nga banorët dhe ata që jetojnë e veprojnë në këtë lagje.

Hidromorava

Sabri Haliti njëri nga iniciatorët tha se aksioni për pastrimin e lagjes do të vazhdojë dhe se ky aktivitet duhet të mbështetet edhe nga Komuna e Prishtinës.
“Ne po pastrojmë dhe po largojmë mbeturina për ta krijuar një ambient të pastër e të shëndetshëm, por edhe Komuna e Prishtinës duhet të kujdeset për rrugën tonë e cila është e dëmtuar shumë dhe po na shkakton telashe e dëmtime të veturave gjatë vozitjes” tha Haliti.

Haliti tha se është inkurajuese dhe shumë pozitive vullneti i qytetarëve për të marrë pjesë në aksionet që për qëllim e kanë ambientin e pastër./rajonipress/