Azemi: Kur hyra në fushë, mu ngritën flokët

Sulmuesi Ilir Azemi thotë se kur doli në fushë iu ngritët flokët lart nga emocionet.

“Kam luajtur para 80 mijë tifozëve mirëpo kam qenë shumë i qetë. Sot kur hyra në fushë, për besë qimet e flokëve mu ngritën lart. Ishte diçka tepër e madhe kjo ndeshje, dhe jam i lumtur që më në fund kam debutuar për vendin tim. Keq që nuk jemi njohur të gjithë më parë mes vete. Sikur do ta njohshim njëri tjetrin më përpara sigurisht që do të kuptoheshim edhe më mirë në fushë. Në ndeshjet tjera besoj se do të jemi edhe më të mirë. E kam pritur shumë këtë moment dhe nuk do të largohem kurrë nga Kosova. Do të jem këtu deri sa të plakem”, përfundoi Azemi i emocionuar…(Tribuna – Arena).