As shiu nuk e ndal atmosferën në derbin Gjilani – Drita

Gjilan – Edhe pse shiu nuk po ndalet dy ekipet gjilanase Drita e Gjilani të motivuar edhe nga ‘Intelektualët’ e Dritës dhe “Skifterët” e Gjilanit kanë krijuar një atmosferë vërtet impozante në prag të takimit.

Dy ekipet rivale lokale Gjilani e Drita edhe pse është takim për Kupën e Kosovës, megjithatë atmosfera që është krijuar në prag të takimit është tepër madhështore.

Edhe pse shiu e ka prishur pak atmosferën, megjithatë Intelektualët dhe Skifterat kanë vazhduar me programin e tyre për të sjellur sa më shumë atmosferë gjatë gjithë ndeshjes.

Të dyja ekipet kanë thënë se janë të përgatitur maksimalisht që të jenë fitues të këtij takimi, kurse për gjilanasit ka rëndësi fakti se derbi lokal më i madhi që zhvillohet në sportin kosovar gjithmonë është pritur me entuziazëm./rajonipress/