Artana bëhet me qendrën për ngritje profesionale

Gjilan – Bajrush Ymeri theksoi se rëndësia e kësaj qendre është e jashtëzakonshme sepse, jo vetëm që kjo shkollë dhe arsimi në komunën tonë përfiton një infrastrukturë moderne, por për herë të parë krijohet mundësia e trajnimit të drejtuesve të shkollave, por edhe stafit tjetër me qëllim që shkolla jonë ta zërë hapin me shkollat e vendeve më të zhvilluara.

Të enjten në Komunën e Novobërdës gjegjësisht në fshatin Llabjan në Shkollën Fillore “Asdreni” është bërë hapja e Qendrës për Ngritje Profesionale. Hapjen e kësaj qendre e bëri kryetari i Komunës Bajrush Ymeri së bashku me Drejtoreshën e misionit, USAID-it në Kosovë zonja Maureen Shauket.

Kjo qendër është financuar nga USAID- programi i BEP-it dhe shërben për trajnime të ndryshme për mësimdhënës të Komunës së Novobërdës dhe për të gjitha komunitetet.

Me këtë rast Kryetari i Komunës Bajrush Ymeri theksoi se rëndësia e kësaj qendre është e jashtëzakonshme sepse, jo vetëm që kjo shkollë dhe arsimi në komunën tonë përfiton një infrastrukturë moderne, por për herë të parë krijohet mundësia e trajnimit të drejtuesve të shkollave, por edhe stafit tjetër me qëllim që shkolla jonë ta zërë hapin me shkollat e vendeve më të zhvilluara.

Ymeri është shprehur optimist se kjo Qendër do të jetë nxitëse edhe e garës së dijes, konkurrencës dhe matjes së punës për të gjitha shkollat dhe për të gjitha komunitetet.

Ndërsa zonja Maureen Shauket ishte e kënaqur me hapjen e Qendrës për ngritjen profesionale. “USAID-i ka kënaqësinë të jetë partner me Komunën e Novobërdës” tha ajo. Ajo më tutje falënderoi Kryetarin e Komunës për përkushtimin e tij të sinqertë për këtë program.

Programi për arsim themelorë është një program në bashkëpunim në mes të USAID-it dhe Kosovës i financuar nga populli Amerikan dhe nga Qeveria e Kosovës. Kjo qendër e krijuar do të ketë ndikim në përmisimin e edukimit në Komunën e Novobërdës,do të jetë vend ku do të marrin pjesë përfaqësuesit e të gjitha shkollave për krijimin e një mjedisi të mirëfilltë edukues,ku do të mundë t`i qasen internetit dhe ti ushtrojnë aktivitetet e tyre nëpër të gjitha shkollat.

Kjo qendër do të jetë vend ku mësuesit do të jenë në gjendje t`i diskutojnë strategjitë më të mira të edukimit të shkollave dhe për t`i mësuar nxënësit e tyre lidhur me tolerancën për diversitetin që ekziston e gjithë kjo do të krijoj ofrimin e mundësive të barabarta për të gjitha bashkësitë e Kosovës.

Klasa e shekullit XXI do të jetë një klasë ku nxënësit do të kenë mundësinë për zhvillimin e aktiviteteve përmes mjeteve elektroteknike digjitale.Në klasën e shekullit XXI nxënësit patën rastin që të shprehin punimet e tyre të cilat i kanë bërë përmes mjeteve elektroteknike digjitale është thënë në këtë hapje./rajonipress/