Arrihet marrëveshja për dy projekte të mëdha, atë të rrugës së Mjakut dhe rrugës alternative në Stubëll

Viti – Sokol Haliti ri-nënshkruan një marrëveshje me MMPHI për realizimin e dy projekteve të mëdha infrastrukturore, konkretisht për rrugën e Mjakut dhe rrugës alternative të Stubllës.

Kryetari i komunës së Vitisë, Sokol Haliti është pritur sot në takim nga zv. Ministri i Mjedisit, Planifikimit Hapësinor dhe Infrastrukturës, z. Hysen Durmishi.

Haliti bëri me dije se gjatë këtij takimi ata kanë ri nënshkruar marrëveshjen për realizimin e projekteve infrastrukturore, konkretisht të rrugës në fshatin Mjak dhe rrugës alternative në Stubëll të Epërme të Vitisë. “Kemi ri nënshkruar marrëveshjen për bashkëpunimin në mes të komunës sonë me Ministrinë e Infrastrukturës për realizimin e dy projekteve të mëdha infrastrukture, konkretisht për rrugën e fshatit piktoresk Mjak dhe të rrugës alternative në Stubëll të Epërme”, u shpreh Haliti.

Ai tha se realizimi i këtyre dy projekteve është i një rëndësie shumë të veçantë për këtë komunë duke shpresuar në jetësimin e sa më të shpejt të tyre.

Haliti gjithashtu njoftoj se në këtë takim ai e ka njoftuar zv. ministrin Durmishi edhe mbi nevojat e tjera që ka kjo komunë për të realizuar projekte infrastrukturore për siç tha ai lirinë e lëvizjes së qytetarëve dhe të rritjes si sigurisë së pjesëmarrësve në trafik, por edhe të shkurtimit të rrugëve dhe të lidhjes së vendbanimeve në mes tyre./rajonipress/

Shpërndaje.
© RAJONIPRESS