Arrestohet shqiptari në Gjermani, rrezikon të dënohet me 14 vjet burgim në Angli

Javën e kaluar policia federale gjermane ka arrestuar një shqiptar 32-vjeçar, në një autobus që po qarkullonte në distanca të gjata.

Ai kërkohej nga autoritetet angleze në gjithë Europën me një urdhërarresti, përcjell albinfo.ch.

Shqiptari dyshohet se ka kontrabanduar disa persona në Angli.

Derisa ai mbërriti nga Holanda me një autobus që po qarkullonte në distanca të gjata, gjatë kontrollit në Aachen-Vetschau, zyrtarët fillimisht zbuluan se, sipas vulës, ai kishte qëndruar shumë gjatë në zonën Shengen.

Kalimi i tij, nënkuptonte hyrje të paautorizuar.

Gjatë kontrollit policor të të dhënave personale në regjistrat e kërkimeve kombëtare dhe ndërkombëtare, u zbulua gjithashtu se autoritetet angleze po kërkonin në mbarë Europën. Nëse shpallet fajtor, ai rrezikon të dënohet me burg deri në 14 vjet.

Ai u soll para Gjykatës së Qarkut Aachen për një seancë dëgjimore për paraburgimin. Procedurat e ekstradimit që janë në pritje në zyrën e prokurorit publik në Këln aktualisht janë ende në vazhdim.