Arrestohet serbi Sasha Stamenkoviq për dhënie ryshfeti

Gjilan – Policia kufitare ka arrestuar serbin Sasha Stamenkoviq në pikën kufitare “Dheu i Bardhë”. Prokurori i rastit Shaban Spahiu tha për rajonipress se Stamenkoviq dyshohet për veprën penale dhënia e ryshfetit.

Në pikën kufitare “Dheu i Bardh” policia ka arrestuar serbin e dyshuar , shtetas i Serbisë pasi që i njëjti në prezantim të dokumenteve i ka ofruar policit mito 10 € . Në konsultim me prokurorin i dyshuari është dërguar në mbajte ka njoftuar Policia e Kosovës.

Ndërsa i kontaktuar nga rajonipress prokurori i rastit në Prokurorinë Themelore të Gjilanit, Shaban Spahiu tha se serbi i dyshuar është Sasha Stamenkoviq (1974) dhe është nga fshati Terlinac i Poshtëm i Leskovcit të Serbisë.

Spahiu tha se sot pritet të mbahet seanca dëgjimore për Stamenkoviqin, derisa ai tashmë dyshohet për veprën penale “dhënia e ryshfetit”./rajonipress/