Armend Misini zgjidhet kryetar i Lidhjes Rajonale të Futbollit në Gjilan

Gjilan – Në praninë e delegatëve, kryetarit të FFK-së, Agim Ademi dhe strukturave të tyre, është mbajtur Kuvendi Zgjedhor për kryetar të LRFGJ. Me vendim unanim, kryetar është zgjedhur Armend Misini, i cili me punën e tij gjerë më tani është dëshmuar si njeriu më i përshtatshmi për këtë post me shumë rëndësi në futbollin Rajonal të Gjilanit.

Me përzgjedhjen e Misinit si kryetar, LRFGJ ka fituar një njeri i cili gjerë më tani ka dhënë një kontribut të jashtëzakonshëm në afirmimin e sportit në Komunën e Gjilanit. Kryetari i ri Armend Misini në fjalën e tij falënderuese ka theksuar.

“Jam i nderuar për besimin që më keni dhënë. Do të mundohem me gjithë kapacitetet e mija dhe me bashkëpunëtor që Lidhjen Rajonale të futbollit të Gjilanit ta avancojmë edhe më fuqishëm me shumë projekte të reja të cilat na presin në të ardhmen”. Detyrën e re, Armend Misinit, ia uroi edhe presidenti i Federatës së futbollit të Kosovës, Agim Ademi, ku i uroi shumë suksese në punën e tij.

Kryetari i ri i LRFGJ, Armend Misini, ka të kryer fakultetin e Edukatës dhe Kulturës Fizike dhe njiherit është zyrtar sportivë në Drejtorinë për Rini, Kulturë, dhe Sport në Komunën e Gjilanit që nga viti 2010.

Për afro një vit Misini ishte përgjegjës i Palestrës Sportive ”Bashkim Selishta-Petriti” në Gjilan. Misini poashtu, ushtron me shumë sukses funksionin e Komisarit të Garave në Lidhjen Rajonale të Gjilanit. Kryetari i ri, Misini, poashtu posedon edhe certifikatën për gjyqtar të futbollit, për menaxhimin e klubeve, administrimin e klubeve, përdorimin dhe funksionimin e rrjeteve sociale si dhe është delegatë në Federatën e Futbollit të Kosovës.

Sukseset e Armend Misinit janë shpërblyer edhe si ‘Punëtori Sportivë’ më i miri, të cilën e ndanë Komuna e Gjilanit./rajonipress/