Ardian Nuhiu: Na mungoi vetëm finalizimi

Trajneri i skuadrës së Dritës, Ardian Nuhiu, ka thënë pas ndeshjes së humbur nga Llapi në udhëtim, se lojtarëve që ai i drejton, u ka munguar vetëm finalizimi.

Ai e vlerësoi pjesën e parë si shumë mirë të luajtur taktikisht. “Ishte ndeshje shumë e fortë dhe e vështirë. Personalisht mendoj që në pjesën e parë luajtëm shumë mirë. Në anën taktike luajtëm ashtu siç e kishim përgatitur. Nuk i realizuam shanset që kishim. Vendosi një autogol”, ka thënë fillimisht Nuhiu, ndërsa foli edhe për finalen e Kupës së Kosovës, pikërisht ndaj Llapit.

“Mendoj që Kupa është sfidë në vete. Nuk ka duele të njëjta apo të përsëritura. Në këtë ndeshje luftuam, menduam që merituam më tepër, por thjeshtë mungoi finalizimi për të marrë rezultat pozitiv”, u shpreh tekniku shkupjan./rajonipress/

Shpërndaje.
© RAJONIPRESS