Ansambli “Gurra” dhe udhëheqësi artistik Shaban Shabani, nderohen me mirënjohje për kontributin e dhënë ndër vite

Gjilan – Ansambli ”Gurra “ u formua në kohë e rrethana të vështira në kohën e okupimit të viteve 90-ta dhe për këtë aktivitet dhe kontribut të dhënë ndër vite dhe për sakrificën e bërë në lëmin e kulturës sonë, nga Drejtoria për Kulturë, Rini dhe Sport, Ansambli i mirënjohur “Gurra” dhe udhëheqësi artistik i Ansamblit z. Shaban Shabani, u nderuan me Mirënjohje.

Mirënjohje u është dhënë për mbajtjen, ruajtjen, prezantimin dhe afirmimin e vlerave të mirëfillta, të pasterta, të kulturës tonë tradicionale si dhe atë të përpunuar ndër vite si dhe për pjesëmarrje që nga fillimi në “Flakën e Janarit“, në Manifestimin “Nata e zjarreve “ disa vite radhazi “ që nga fillimi, në Prekaz si dhe për pjesëmarrje në shumë manifestime dhe festivale anembanë trevave tona e më tej, e ku u shpërblye gjithnjë me çmime për vlerat e prezantuara nga kultura jonë e pasur nga kjo trevë e më tej si dhe për pjesëmarrje në qindra manifestime përkujtimore për dëshmoret e rënë për liri etj, të organizuara dhe të mbajtura ndër vite e ku pjesëmarrës ishte gjithnjë Ansambli i mirënjohur ”Gurra“ e ku gjithnjë u prezantua me programe të bukura, karakteristike dhe me vlera artistike nga kultura e jonë tradicionale e të përpunuara nga Anamorava e më tej.

Prandaj Ansambli ”Gurra” ishte dhe mbetet ikonë e kulturës sonë në Anamoravë, e në gjitha trevat shqiptare e më tej ku u prezantua denjësisht./rajonipress/