Anamorava regjioni më i anashkaluar nga Qeveria Kurti?

Gjilan – Selver Lenjani thotë se kur Albin Kurti kishte nevojë për vota dilte çdo ditë e çdo natë në Gjilan e Kamenicë. Tani këtë regjion e ka lënë totalisht pas dore, madje kurrë se ka vizituar brezin kufitar shprehet i revoltuar Lenjani.

Regjioni i Anamoravës konsiderohet si më i godituri dhe i lënë anash nga Qeveria e Albin Kurtit. Krejt kjo në mungesë të investimeve, që dikur ishte krejt tjetër situatë.

Selver Lenjani kryetar i Bashkësisë Lokale në Karaqevë thotë se Kurti e ka harruar dhe anashkaluar Anamoravën, që nga ardhja e tij në pushtet.”Ky është Kurti, sa ishte në hall për votat e për pushtet dilte çdo natë e ditë në Anamoravë me xhipa e eskortë. Tani jemi të bllokuar si regjion dhe pa asnjë investim serioz. Autostrada që llogaritej një arterie e rëndësishme është bllokuar nga Kurti, ndërsa në brezin kufitar kurrë këmba e tij s`ka dalur” shprehet i revoltuar Lenjani.

Lenjani mendon se kryetarët e komunave të Anamoravës duhet të bëjnë presion dhe të jenë më aktiv në takimet qeveritare dhe në Bordet, ku vendoset për projektet kapitale.”Më duket se edhe vet kryetarët e Anamoravës janë të lodhtë dhe pa nafuz dhe nuk po kanë as dije e as guxim me i shtye proceset përpara. E këto dobësi kush do mundte t`i shfrytëzonte më mirë se Kurti” shprehet me ironi Lenjani./rajonipress/