Anamorava model për liri e qetësi absolute vlerësojnë Maloku e Llalla

Gjilan – Të premten në Prokurorinë Themelore në Gjilan ishte në vizitë zyrtare Kryeprokurori i shtetit shqiptar Adriatik Llalla i percjellur nga Aleksandër Lumezi me bashkëpunëtor, të cilët janë pritur nga kryeprokurori Jetish Maloku.

Në këtë takim vëllazëror e profesional është vlerësuar lart puna dhe efikasiteti i Prokurorisë Themelore në Gjilan në ndërtimin e sigurisë dhe qetësisë në këtë pjesë të Anamoravës si model për liri dhe qetësi absolute për të gjithë qytetarët, pavarësisht kush është, në çka beson dhe cilit nacionalitet i takon, raporton rajonipress.

Është vlerësuar lart puna e kësaj prokurorie si model i përgjegjësisë dhe barazisë për të gjithë ata që shkelin ligjin dhe cenojnë vlerat e një shoqërie demokratike. Gjithashtu, si prokuroria ma e mirë dhe me efikasitet më të lartë në luftë kundër krimit, të organizuar dhe korrupsionit të provohet edhe në regjione tjera një model i përsosur i tillë në luftë kundër dukurive negative e pse jo edhe me shtetin shqiptar si model, që duhet të aplikohet si provë për sukses në luftën kundër krimit dhe atakimit të sigurisë së qytetarit tonë.

Në takim u çmua lart periudha kohore mbi dy vjeçare në këtë regjion ku nuk ka pasur vrasje të dhunshme e të rëndë që lakmohet edhe nga shtetet me demokraci shumë të zhvilluar.

Në fund të takimit Jetish Maloku e ka nderuar me mirënjohje Adriatik Llallën. /rajonipress/