Alushi zverdhet në barazim

Kaiserslauterni i dy reprezentuesve kosovarë, Albert Bunjakut e Enis Alushit, nuk ka mundur të fitojë më shumë sesa një pikë të shtunën si mysafir i Karlsruher, pasi përballja mes këtyre dy skuadrave ka përfunduar baras, 2:2.

Derisa Bunjaku nuk ishte ftuar fare në këtë takim, Alushi ka luajtur si titullar, derisa në minutën e 3-të është ndëshkuar me karton të verdh.

Në minutën e 77-të, Alushi është zëvendësuar nga Occean. Pas 28 javësh, Kaiserslauterni radhitet në vendin e katërt të tabelës në Bundesliga 2, me 43 pikë të tubuara, nëntë më pak sesa lideri, Kolni.

Ndryshe, Bunjaku e Alushi duhet të mbajnë formën që po kalojnë, pasi që në muajin maj do t’i zhvillojnë dy ndeshjet e radhës me Përfaqësuesen e Kosovës. Së pari do të luajnë në Kosovë me Turqinë e më pas ndaj Senegalit në Zvicër.