Ajnishahe Halimi: Vetëvendosje është parti terroriste, ekstremiste dhe e frikshme

Ish anëtarja e Lëvizjes Vetëvendosje, Ajnishahe Halimi në një intervistë për Indeksonline ka rrëfyer ekskluzivisht për prapaskenat e largimit të saj nga kjo parti.Ajo thotë se kishin kërkuar hapjen e partisë dhe këtu kishte filluar çarja e madhe. Sipas saj, në Vetëvendosje kanë frikë nga hapja e partisë dhe nuk i pranojnë ndryshimet. Halimi, që tash është në Fraksion Plus, ka treguar për njerëzit që ajo i quan ekstremist në Vetëvendosje, për ata që kontrollojnë shkrimet në Facebook, për anëtarët nga Shqipëria që kanë fuqi të jashtëzakonshme.

Ajo tregon për herë të parë edhe përplasjet në mes ish- anëtarëve të partisë FER që iu kanë bashkuar Vetëvendosjes.
Halimi, që u përjashtua nga Vetëvendosje, nuk heziton ta quaj edhe terroriste partinë e Visar Ymerit.

Sipas Halimit, përdorimi i koktej molotovit dhe shkatërrimi i shtetit, ka vetëm një term, terrorist.

Ajo ka treguar se si ishte shëruar edhe nga një sëmundje e rëndë dhe Vetëvendosje pretendonte se ia ka siguruar mjetet financiare për shërim. Këtë Halimi e quan metodën më të ulët njerëzore të linçimit dhe shpifjet.

Halimi ka treguar edhe për të ardhmen e saj politike dhe të Fraksion Plusit dhe me cilën parti politike kanë më shumë përafrime.

Ajnishahe Halimi rrëfen ekskluzivisht për Indeksonline detaje të pa thëna deri më tani për Vetëvendosje.