Ajeti: Te Augsburgu do të rritem më shumë si lojtar

Albian Ajeti duke shumë i lumtur pas transferimit te klubi gjerman Augsburg.

Edhe përkundër se kanë kaluar vetëm pak ditë që kur Ajeti u transferua te klubi gjerman, Augsburg, ai flet për përshtypjet e tij pas transferimit nga ekipi nga liga zvicerane, Baseli.

Në një intervistë për “Kicker”, futbollisti 18-vjeçari, Albian Ajeti, mendon se Augsburgu ishte zgjedhja e duhur për të.

“Tek Augsburg mendoj se janë të gjitha kushtet që unë të vazhdoj të rritem gjatë viteve të ardhshme. Ky ekip më bën të ndihem komod pasi nuk ekziston një presion i madh si në skuadrat e tjera të Bundesligës”, ka deklaruar Ajeti.

“E kuptova që ishte klubi perfekt për mua, menjëherë sapo mbërriti oferta”, shtoi me tej sulmuesi shqiptar, Albian Ajeti.

“Intensiteti i seancave stërvitore këtu është shumë i lartë, por nuk e kam aspak problem”, përfundoi 18 vjeçari. /Express/