AAK me strategji për arsimin gjilanas

Gjilan – Gjatë ditës së sotme në selinë e AAK-së në Gjilan, ka zhvilluar takim pune Komisioni për Arsim në kuadër të kësaj partie. Kryesuesja e këtij komisioni Ajtene Shahiqi, është takuar me ekspertë të arsimit të AAK-së, ku njëherit formoi grupin punues, të cilët siç kanë punuar deri tani, do të vazhdojnë të hartojnë strategji për arsimin edhe në të ardhmen.

Shahiqi, para grupit punues paraqiti një draft dokument mbi strukturën shtesë integruese në arsim, ndërsa tha se bashkë me të gjithë anëtarët tjerë të këtij komisioni, do të punohet që të gjendet zgjidhje për të dalë nga sferat problematike me të cilat ballafaqohet arsimi në komunën e Gjilanit.

Grupi Punues i Komisionit për Arsim në kuadër të AAK-së, përpos kryesueses Ajtene Shahiqi, në përbërjen e tij ka edhe Mevlyde Zejnullahu, Fadil Gashi, Enis Shurdhani, Fidan Shaqiri, Antigona Keka, Teuta Jerliu dhe Mimoza Klaiqi, ndërsa kjo përbërje në të ardhmen pritet të shtohet./rajonipress/