A po anashkalohet futbollisti Yll Ibrahimi nga Akis Vavalis?

Gjilan – Yll Ibrahimi është njëri ndër futbollistët më premtues në futbollin e Kosovës. Mbrojtësi i majtë i Dritës, ishte edhe futbollist i Kombëtares së Kosovës U19, duke treguar paraqitje shumë të mira.

Yll Ibrahimi dhe pse konsiderohet njëri ndër talentët më të mire në Kosovë, njëjtë nuk po mendon edhe trajneri i Dritës, Akis Vavalis, i cili deri tani gjatë këtyre 13 xhirove i ka dhënë minutazh vetëm 30 minuta.

Edhe këto minuta të dhëna nga trajneri grek, Ibrahimi i ka shfrytëzuar mjaft mirë duke dëshmuar se meriton më shumë minuta për fanellën e Dritës.

Në ndeshjen e fundit kundër Fushë Kosovës, Yll Ibrahimi, skuadrën e Dritës e nxori nga ‘koritja’, i cili posa hyri si zëvendësues në fund të ndeshjes me një diagonale milimitrike e gjenë bashkë lojtarin e tij, Besnik Krasniqin i cili shënon dhe shpëtojnë tri pikë mjaft të vlefshme.

Yll Ibrahimi i cili çdo ditë stërvit me bashkëlojtarë të tij, dhe është futbollist i shkollës së Dritës tani e 10 vite, ishte mjaft i kërkuar nga shumë skuadra të Superligës, por Ylli me shumë dashuri ka nënshkruar kontratë me skuadrën e fëmirisë, pasi ëndrra e tij gjithmonë ka qenë që të jep kontributin e tij në fanellën “bardh e kaltër”.

Duke e pare kualitetin dhe profesionalizmin e Yll Ibrahimit, është koha që trajneri nga Greqia, Akis Vavalis ti jep rastin këtij talenti më shumë, në të kundërtën Vavalis dhe kryesia e klubit, dalëngadalë po e shuajnë njëri ndër talentët më të mëdhenj që ka pasur klubi “bardh e kaltër”./rajonipress/