Qeveri me bazë të gjerë, opsioni më i pranueshëm

Duket se preferenca e përfaqësuesve ndërkombëtarë për një qeveri me bazë të gjerë, tashmë po shihet si opsioni më i pranueshëm edhe nga ana e vendorëve. Blloku LDK-AAK-Nisma për disa javë me radhë u orvat që me Lëvizjen Vetëvendosje të arrinte deri te një marrëveshje për bashkëqeverisje të mundshme, mirëpo pavarësisht kësaj, palët nuk arritën të pajtoheshin, pasi që kushtet e vendosura nga VV-ja ishin të parealizueshme për bllokun paszgjedhor.

Si rrjedhojë e kësaj mungoi marrëveshja e shumëpritur, ndërsa tani as Lista Serbe nuk po e përkrah pa kushte bllokun LDK-AAK-Nisma për formimin e Qeverisë.

Në tërë këtë situatë të krijuar së fundi, ka reaguar Partia Demokratike e Kosovës, subjekt ky që përmes zëvendëskryetarit Kadri Veseli ka kërkuar që qeveria e ardhshme të formohet me bazë të gjerë, si e vetmja mundësi për të dalë vendi nga ngërçi politik. Për të, qeveria e ardhshme duhet të ketë jo më pak se 80 deputetë, dhe një qeveri e shumicës së thjeshtë nuk është ajo që i duhet vendit…( Tribuna).