Pacolli: Partitë tjera po bëjnë fushatë me paranë publike

Ditën e pestë të fushatës zgjedhore Aleanca për Kosovë të Re, programin e saj e ka shpalosur para qytetarëve të mbledhur në fshatin Marec.

Në tubimin tradicional “Takimet e vendlindjes në Merec” presidenti Behxhet Pacolli u ka premtuar qytetarëve se paraja publike nuk do të keqpërdorët më, nuk do të shkoj në gjepat e pushtetarëve por do të shkoj në investime kapitale që do të ngritnin mirëqenien e qytetarëve.

“Partitë tjera sot po bëjnë fushatë me paranë publike që i marrin si taksa nga ju apo haraq biznesit. Ne as edhe një cent nuk e kemi keqpërdor. Ne nuk i qesim haraç askujt. Paratë që i merren qytetarëve i kthehen qytetarëve në të mirë të publikut”, tha Pacolli.

Ai kërkoi nga qytetarët e asaj ane, që me 8 qershor të dalin sa më masovikisht në zgjedhje dhe të votojnë ekipen më të mirë.

“Nëse gjeni parti tjetër më të mirë, më të ndërgjegjshme dhe me të pastër se AKR-në, unë u them votoni. Por nuk besoj se do të gjeni, e ne jemi dëshmuar se jemi më të mirët”, tha Pacolli.

Organizatori i këtij manifestimi tradicional, Milazim Vitia, para qindra të pranishmëve tha se nëpërmjet Behgjet Pacollit sot fshati Marec njihet në tërë botën. /Telegrafi/