Në Gjilan e Kllokot rrahje fizike mes shqiptarëve, pranga të dyshuarve

Gjilan – Në Kllokot dhe Gjilan në dy raste të ndara kanë ndodhur rrahje fizike ku të dëmtuarit kanë marrë tretman mjekësor kurse të dyshuarit janë prangosur njoftoj policia e Kosovës, raporton rajonipress.

Në Kllokot është arrestuar i dyshuari mashkull shqiptar pasi që i njëjti pas një mosmarrëveshje ka sulmuar fizikisht viktimën mashkull shqiptar. Viktima ka pranuar tretman mjekësor ndërsa i dyshuari pas intervistimit me vendim të prokurorit është dërguar në mbajtje.

Edhe në rrugën “Idriz Seferi”në Gjilan viktima mashkull shqiptar ka raportuar se pas një mosmarrëveshje ishte sulmuar nga dy të dyshuar meshkuj shqiptarë. Viktima ka pranuar tretman mjekësor ndërsa njëri nga dy të dyshuarit është arrestuar dhe pas intervistimit me vendim të prokurorit është dërguar në mbajtje./rajonipress/