Kelmendi shpallet më e mira e vitit 2013 në Evropë
RajoniPress
22:55, 26 Prill, 2014
Xhudistja kosovare, Majlinda Kelmendi, është shpallur më e mira në Evropë gjatë një ceremonie të zhvilluar të shtunën mbrëma në Montpellier të Francës.
Ky titull xhudistes pejane i erdhi pas triumfit në Kampionatin Evropian të mbajtur po në Montpellier gjatë kësaj jave.
Kelmendi u shpall xhudistja më e mirë në Evropë për vitin 2013 në kategorinë deri në 52 kilogramë për seniorë.
Ky lajm u bë i ditur nga trajneri i saj, Driton Kuka, përmes rrjetit social Facebook.
“Majlinda u shpall më e mira për vitin 2013, gjatë një ceremonie të mbajtur sonte në Montpellier”, ka shkruar Kuka në Facebook.
