Berisha: Shqipëri, më prit edhe pak

Sulmuesi kosovar, Besart Berisha, ka kërkuar ende kohë për t’iu bashkuar Kombëtares së Shqipërisë.

Sulmuesi kosovar, Besart Berisha, ende nuk ka vendosur përfundimisht nëse do t’i bashkohet grumbullimit me Kombëtaren e Shqipërisë. Një njoftim të tillë e dha përzgjedhësi ‘kuqezi’, Gianni De Biasi.

“Kam folur me Besartin dhe më ka thënë se duhet ta pres edhe disa ditë. Është shumë i zënë te skuadra e vet dhe i duhet pak kohë të reflektojë dhe të bëjë llogaritë e tija. Unë ia kam thënë hapur se do të ishte një figurë e rëndësishme për Kombëtaren shqiptare në këtë fushatë kualifikuese dhe se mund të lërë gjurmë. Tani vendimi i takon atij. Jam në pritje’, ka deklaruar dje De Biasi për ‘Panorama Sport’.

Ndryshe, Berisha po ka probleme me largësinë dhe udhëtimet e gjata kanë qenë arsyetimi i tij për të mos ardhur në ndeshjet e skuadrës shqiptare.

Së fundmi, sulmuesi kosovar nënshkroi kontratë me Melbourne Victory, duke përfunduar aventurën e tij të suksesshme te Brisbane Roar.

Me Melbourne, Besarti do të bashkohet në stinorin e ri.