Dora e pushtetit në favor të pakicës

Nga Hidajet Ahmeti – Republika e Kosovës vuan rënd dhe jashtëzakonshëm nga zhvillimi i mëtejshëm i padrejtësive dhe mos vërja në funksion implementimin e konceptit më të rëndësishëm të konsolidimit e zhvillimit të shtetit. Kjo përbën edhe çrregullimin më të madh e të përgjithshëm për një shoqëri. Kështu që aplikimi i padrejtësive është hap dhe mundësi reale e sundimit të klaneve mafioze,që mundësinë për të e realizuar pushtetin qeverisës e shohin vetëm përmes futjes në jetë të mjeteve kriminale.

Imazhi i shtetit të Kosovës në këto vitet e pas shpalljes së pavarësisë, është duke u rrezikuar seriozisht nga lidershipi qeveritar, për shkak të dështimit të vazhdueshëm në luftimin e krimit dhe korrupsionit. Nuk dyshim se drejtësia në Kosovë vepron në mënyrë selektive dhe është e dirigjuar kryekëput nga politika. Kemi me qindra raste të çështjeve madhore ku drejtësia ka qenë e dirigjuar nga politika dhe rastet janë mbyllur. Kosova si shtet në tranzicioni më shumë së kurrë ka nevojë për një ndryshim substancial në sistemin e drejtësisë, por ky ndryshim nuk mundë të bëhet me njerëz matrapaz të politikës,jo profesionistë, analfabet e njerëz pa ideale e parime.

Në një shtet ku vuajmë nga profesionalizmi e të diplomuarit punojnë kamerier. Në një shtet ku nuk respektohet meritokracia e profesionalizmi, por injoranca, klientelizmi, nepotizmi e paraja.

Në një shtet ku institucionet publike abuzojnë me statusin e tyre juridik e institucionet private maltretojnë dhe keqtrajtojnë punëtorët. Në një shtet ku arsimi është bërë vegël e politikës e doktorët e shkencës funksionojnë nën diktatin e politikës. Në një shtet ku politika kontrollon çdo sferë publike dhe private kurse fjala e lirë shtypet. Në një shtet ku po nuk pate librezë partie nuk mundë të punësohesh. Në një shtet kur vlerësohet materializmi e idealizmi mungon. Në një shtet ku libri pak lexohet e numri i të diplomuarve është enorm.

Në një shtet ku ajo që ka vlerë nëpërkëmbët e shkelet nga sistemi, kurse amoraliteti dhe injoranca vlerësohet dhe ngritën lartë. Në një shtet ku karrieristët shesin interesin kombëtar për pak pushtet dhe mburrën për të “arriturat”. Në një shtet ku politikanët bëjnë jetë luksoze e mbi gjysma e popullsisë janë të papunë dhe në varfëri të skajshme. Në një shtet ku përfaqësuesit e popullit kërkojnë rritje pagash e qytetarët vdesin nga uria. Në një shtet ku ligjet ekzistojnë vetëm në letër e më i forti është mbi ligjin. Në shtet ku rinia ikin kurse politikanët mbajnë karriget. Në një shtet ku pensionistët udhëheqin institucionet publike e të rinjtë bëhen këshilltarë të tyre .

Në një shtet ku intelektualët bëhen vegël e politikës e politika shtyp qytetarët .Në një shtet ku Akademia e Shkencës është bashkëpunëtore dhe bashkëpjesëmarrëse në të keqën, në vend që të ngrisë zërin kundër të këqijave. Në një shtet ku më shumë i kushtohet imazhit të shtetit e pak substancës shtetërore. Në një shtet ku politikanët shëtitin me vetura luksoze e të blinduara kurse qytetarët luftojnë për ekzistencë. Në një shtet ku rinia si pasuria më e madhe e shtetit ikin e karrieristët bëjnë historinë. Në një shtet ku pushteti i medias manipulohet e qytetarëve të varfër ju servohet jeta luksoze e politikanëve.

Në një shtet ku pasuria shtetërore shitet e nëpërkëmbet e askush nuk merr përgjegjësi. Në një shtet ku kriminelët shëtitën të lirë e të pafajshmit e vuajnë dënimin. Në një shtet ku farefisi, paraja, klientelizmi janë kanalizim për punësim e meritokracia e profesionalizmi anashkalohen. Në një shtet lider me institucione të dijës e kjo e fundit mungon.

Në një shtet më grumbull institucionesh për luftimin e korrupsionit e ky i fundit është enorm. Në një shtet ku vota blihet me para e pasojat i vuajnë qytetarët. Me një shtet ku udhëhiqet nga shumica e bllokohet nga pakica. Kjo është Kosova jonë e dashur. Shteti i Kosovës gjithçka tjetër mund të jetë përpos në shërbim të qytetarëve të saj.