Krojet e Gollakut
RajoniPress
09:47, 14 Mars, 2014
Më djeg malli n’damarë t’ gjakut – T’ shkoj , t’ pi ujë n’ kroje t’ Gollakut ! N’ atë Malësi , ku e nisa jetën – T’ a shuaj mallin , t’ a shuaj etjen !
E kujtoj atë Malësi trime ,
Kroje , gurra e burime –
Ku e kam shua etjen time ,
Ku e kam nisë këngën me gëzime !…
Kujtoj Kroin e Shtëpisë –
Përmbas nënës ku jam nisë !
S’ dinte t’ lodhur nënë e ngrata –
Ujë me lekë mbushte në kënata !
Me kazan e me kusia –
Për nevojat që kish shtëpia !
Prej kaçorres , prej ibrikut –
Me i sjellë ujë familjes , mikut !…
Kujtoj Kroin e Livadhit ,
Që buronte n’ rrënjë të ahit ,
Ku kam ngrënë bukë n’ rrasë t’ një guri ,
Ku kam pi ujë si biluri !
Kujtoj Kroin e Asqerit –
Ku kam pi ujë si t’ sheqerit !
Ku i kam la faqet si molla –
Sa herë që kam shkua te shkolla !
Kujtoj Kroin e Kadrisë –
Ku kam pi ujë gjatë fëmijërisë !
Ujë i pastër n’ atë rrëzë malit ,
Që m’ freskonte n’ lule t’ ballit !
Kujtoj Gurrën e Capacit ,
Që m’ freskonte trupin palcit !
Sidomos gjatë muajit Gusht –
Ku kam pi unë , ujë me grusht !
E kujtoj Gurrën e Lakut –
Mbi kodrina të Novakut ,
Ku kanë pi ujë shumë dasmorë ,
Shumë bari e nxënës shkollorë !…
Kujtoj Gurrën e Meshinës –
Sa herë ngjitëm Obërrshinës !
Nuk mund ta marr të përpjetën –
Në atë Gurrë , pa e shua etjen !
Sa herë dal n’ Tugjec me u kënaqë –
Nuk e la pa u ndalë n’ Jallaqë !
Me pi ujë n’ atë Gurrë t’ Jallaqës ,
Me i freskua sy e faqe !
Kush ka pi ujë në Gollak –
Çdo pikë uji i bahet gjak !
Kush ka thithë ajër n’ ato kodra –
Nuk e di se çka është mortja !
Demir Krasniqi
