Xhaka i kënaqur me trajnerin Favre

Mesfushori Granit Xhaka e ka vlerësuar lart punën që bën trajneri i Borussia Moenchengladbach, Lucien Favre. Xhaka 21-vjeçar ka thënë se Favre është trajner që mbështetet në lojtarë të rinj. Krerët e klubit gjerman të mërkurën ia kanë vazhduar kontratën edhe për dy vjetët e ardhshëm.

“Trajneri Favre ka bërë punë të madhe në Borussia Moenchengladbach. Ekipi ka bërë progres në vitet e fundit. Ne gjithmonë synojmë ta përfundojmë sa më lart në tabelë.

Ai mbështetet në lojtarë të rinj dhe është kënaqësi e madhe për të stërvitur nën udhëheqjen e tij”, ka thënë Xhaka të mërkurën për “fohlen-hautnah.de”.

Mesfushori i Përfaqësueses së Zvicrës, Xhaka, vlerësohet një nga lojtarët kyç te Borussia Moenchengladbach.

Ai këtë edicion ka asistuar një herë në 22 paraqitje në Bundesliga 1.