Me rastin e Festës së Mësuesit

Mësuesit tim Zukë Hajdinit , Edhe unë u rita , U bëra burrë,
Dhe po hapëroj në pleqëri !Por ndaj Jush , mësuesi im i dashur – Ende po e ndiej vetin si fëmijë !…

Edhe sot
Zemra ma thotë se ke qenë mësues i pa shoq ,
Ndaj Jush kam shumë obligime !…
Më bëhet se Ju kam shumë borxh ,
Se me Ju – më lidhin shumë kujtime …

Edhe sot në ditët e vona
Më bëhet se në bankë të shkollës –
Ulur para Jush qëndroj !…
Këshillat dhe mësimet Tuaja –
Kurrë nuk do t’i harroj !

Edhe sot
Më kujtohen ato ditë fëmijërie –
Kur fjalët Tuaja të ëmbla prindërore
Më përcillnin kudo
Edhe kur ruaja delet atje në bregore !…

Edhe sot ,
Kur ulëm e shkruaj – dridhem !
Këshillat Tuaja i kujtoj –
Se si duhet të shkruaj pastër e bukur
Dhe rrjedhshëm të lexoj !…

Edhe sot ,
Kur meditoj dhe evokoj ,
Kur këndoj e luaj me çifteli ,
Këngët e para i kujtoj –
Ato këngë që m’i mësove Ti !…

Shtigjeve gjembore –
Stuhive rrugëtove …
Kurrë nuk u gjunjëzove ,
Kurrë nuk u dorëzove !
Por Festën e Mësuesit
Kurrë nuk e gëzove !…
Edhe sot i kujtoj kohërat
Kur Ju përhapnit shkronjat
Me mund e me halle …
Nëpër malet tona –
Ujqit hidhnin valle !…

Ti ike e shkove
Në rrugë të pa kthim …
Librin që m’ dhurove –
Më mbeti kujtim !
Është dhuratë e shtrenjtë ,
Është kujtim i shenjtë !…

Shpirti Yt dritëplote
Në amshim pushon ,
Por vepra e Jote –
Rreze drite lëshon !
Hienat u shporrën –
Kosova e lirë lulëzon !

Gjilan, Demir Krasniqi