Vokrri: Deklaratat e Lorik Canës ishin “paushalle”

Kryetari i Federatës së futbollit të Kosovës, Fadil Vokrri i ka quajtur deklaratat e kapitenit të kombëtares shqiptare , Lorik Canës, si “paushalle”, sa i përket asaj se duhet të ekzistoj vetëm një kombëtare dhe nuk duhet të ketë përfaqësuese.

Ai ka shtuar se Cana dhe futbollistët e tjerë e kanë nënshkruar peticionin që është dërguar në FIFA, raporton publiku.

“Të gjithë futbollistët e kanë nënshkruar peticionin dhe e kanë përkrahur atë. Edhe Lorik Cana e ka nënshkruar dhe e ka ditur që po nënshkruan për përfaqësuesen e Kosovës. Ata e kanë nënskruara dhe unë i falënderoj. Nuk i kuptoj deklaratat e tij dhe tek e fundit është mendim i tij personal, por nuk mendoj që është mirë të thuhen deklarata paushalle”, ka thënë Vokrri për KTV në emisionin Interaktiv.