Haradinaj: LDK-ja ra në grackën e Thaçit

Lideri i AAK-së, Ramush Haradinaj vlerëson se Qeveria aktuale nuk duhet ta përfundojë mandatin pa u ndëshkuar, përmes mocionit të mosbesimit. Ai thotë se sa i takon idesë për shpërbërjen e Kuvendit, Hardinaj vlerëson se Qeveria po vepron mençur, por LDK, sipas tij, ka ra në grackë.

Haradinaj në një intervistë për TV “Rrokum” arsyeton faktin se pse iniciativa për mocion mosbesim ndaj Qeverisë, u mor pas kthimit të tij, nga vizita në SHBA.

Ai thotë se iniciativa u mor në këtë kohë pasi që opozita i ka numrat në Kuvend, për shkarkimin e Qeverisë, gjë që ka qenë e pamundur më herët, transmeton orainfo.

Sa i takon idesë për shpërbërjen e Kuvendit, Hardinaj vlerëson se Qeveria po vepron mençur, por LDK sipas tij, ka ra në grackë.

Pas dështimit të grumbullimit të numrit të mjaftueshëm të nënshkrimeve të deputetëve për mocion, kreu i AAK-së ka besim të plotë se në iniciativën për peticion do ta ketë përkrahjen e qytetarëve.

Ani pse ndërmori një nismë tjetër, Haradinaj thotë se AAK nuk ka heq dorë nga mocionin, madje ai vazhdon të besojë në përkrahjen e partive tjera opozitare.

E shkarkimi i kësaj Qeverie, sipas Hradinajt, kishte me qenë leksion edhe për qeverisjen e ardhshme.

Përkundër përpjekjes që ta rrëzojë Qeverinë Thaçi 2, Haradinaj ende nuk ka vendosur nëse do të vazhdojë Blerim Shala të jetë koordinator në bisedimet ndërmjet Kosovës e Serbisë. /Telegrafi/