Marrëveshja me FMN-në, në përputhje me programin e Qeverisë

Ministri i Financave, Avdullah Hoti, dhe përfaqësuesi rezident i Fondit Monetar Ndërkombëtar për Kosovë, Frank Lajkwik, sot në një konferencë për media kanë qartësuar edhe një herë marrëveshjen e Qeverisë së Republikës së Kosovës me Fondin Monetar Ndërkombëtar pas disa keqinterpretimeve nga mediet në lidhje me këtë marrëveshje.

“Në këtë konferencë ju kemi ftuar që të qartësojmë edhe një herë marrëveshjen për programin që e kemi arritur me Fondin Monetar Ndërkombëtar, sepse ditëve të fundit ka pasur në media disa informata jo të sakta dhe jokorrekte në lidhje me këtë marrëveshje”, deklaroi para gazetarëve ministri, Avdullah Hoti.

Ai tha se më 29 dhjetor të vitit të kaluar është aprovuar në Kuvendin e Kosovës Buxheti për vitin 2015. Sipas tij, në atë kohë Qeveria ka bërë të ditur se në atë buxhet në disa aspekte nuk është prezantuar gjendja reale tek të hyrat dhe rrjedhimisht edhe tek shpenzimet, kështu që kemi thënë se do ta rishikojmë buxhetin në mesin e vitit 2015./zeri/