Fatmir Limaj: Kosovës po i bëhet masakër juridike e ligjore

​Fatmir Limaj, deputeti dhe lideri i partisë Nisma për Kosovën ka thënë që me krijimin e Gjykatës Speciale po i behët masakër juridike ligjore.Ai ka shtuar se me fol për sakrificën e UÇK’së nga deputetët e Parlamentit dhe të votojnë Gjykatën Speciale është hiprokizi.

Me këtë temë deputetët e Kosovës po sfidohen me një temë shumë të rëndësishme që nuk janë sfiduar asnjëherë më parë, shkruan Express.

“Këtij vendi po i kërkohet diçka tjetër dhe jo ti tregojmë popullit për luftën e UÇK’së. Ne jemi ddeputet dhe kemi përgjegjësi dhe do të ballafaqohemi gjatë gjithë jetës”, shtoi ai.

Limaj ka cituar Thaçin kur tha se mandati i Gjykatës Speciale do të jetë tri deri në pesë vjet derisa buxheti i kësaj gjykate do të jetë deri në 500 milionë euro. Limaj ka thënë se për këto vite s’do të ketë mundësi të harxhohen gjithë ato para por se mandati i Gjykatës Speciale do të jetë 20 vjet.

Deputeti Limaj ka thënë se me dorën tonë jemi duke i bartur kompetencat tona tek një individë që nuk e njohim dhe parlamenti i Kosovës as nuk pytet. Sipas tij më së miri kjo gjendje është shpjeguar nga deputeti i LVV, Glauk Konjufca, dhe fjalimi i tij duhet të shkruhet dhe të transmetohet disa herë./express/