Opozita: Votimi i Speciales me procedurë të çuditshme

Të premten e 26 qershorit pritet të dalë në shqyrtim votimi i amendamenteve kushtetuese dhe ligjit, që i hapin rrugë themelimit të Gjykatës Speciale, shkruan sot Koha Ditore.

Megjithatë, për t’u miratuar ligji do të ndiqet procedurë tjetër, pasi deputetët nuk do të kenë mundësi të ndërhyjnë në ligj. Projektligji u është dërguar atyre vetëm si informatë.

As Kryesia e Kuvendit nuk do të mblidhet si zakonisht të hënën, përcjell koha.net. Ajo do të grumbullohet një ditë më vonë, të martën, kur do të caktohen rendi dhe dita e mbajtjes së seancës.

Ndërkaq përfaqësues të opozitës kanë thënë se të premten do të mbahet seanca, ku shpresojnë të mos marrë votat e mjaftueshme Specialja.

Në kutitë e deputetëve të Kuvendit tashmë janë shpërndarë dy projektligjet që kanë të bëjnë me themelimin e Gjykatës Speciale. Është Projektligji për Dhomat e Specializuara dhe Zyrën e Prokurorit të Specializuar, si dhe Projektligji për Mbrojtjen Juridike dhe Mbështetjen Financiare të Personave të Akuzuar Potencialë në proceset gjyqësore në Dhomat e Specializuara.

http://koha.net/?id=27&l=63098