Gjykata vendos në favor të Nysret Hajrullahut, kthehet në pozitën e drejtorit klinik

Gjilan – Nysret Hajrullahu e kishte paditur spitalin e Gjilanit për shkak se kishte marrë një vendim të kundërligjshëm duke zgjedhur në pozitën e drejtorit klinik Selvete Shurdhanin e cila nuk i plotësonte kushtet ligjore në krahasim me kandidatin Nysret Hajrullahun. Gjykata duke parë këto shkelje e ka kthyer në pozitën e drejtorit klinik, Nysret Hajrullahun.

Nysret Hajrullahu e ka fituar betejën gjyqësore për tu kthyer në pozitën e drejtorit klinik në Spitalin e Gjilanit pasiqë kishte paditur organet drejtuese të këtij spitali se kishin shkelur procedurat ligjore gjatë intervistimit duke përzgjedhur në pozitën e drejtorit klinik Selvete Shurdhanin, edhe pse sipas aktgjykimit Nysret Hajrullahu i plotësonte të gjitha kushtet.

Në aktgjykimin e gjykatësit në Gjykatën Themelore të Gjilanit, Halil Zahiri thuhet se nga komisioni intervistues dhe drejtori ekzekutiv gjatë intervistimit ishte dëmtuar kandidati Nysret Hajrullahu ndërsa ishte favorizuar në mënyrë të kundërligjshme kandidatja Selvete Shurdhani. Kandidati Nysret Hajrullahu i ka plotësuar të gjitha kushtet ligjore për zgjedhjen e të njëjtit në postin e drejtorit klinik në spitalin rajonal të Gjilanit thuhet në aktgjykim.

“Gjykata vendosi që në tërësi të aprovojë kërkesëpadinë e Nysret Hajrullahut si të bazuar dhe detyrohet e paditura që paditësin ta kthejë në pozitën e drejtorit klinik me të gjitha të drejtat dhe detyrat që i takojnë” thuhet tutje në aktgjykimin e Gjykatës Themelore të Gjilanit./rajonipress/